Vaishakh Month 2026 | वैशाख महिना २०२६

वैशाख हा मराठी पंचांगातील दुसरा महिना आहे. हा महिना भगवान विष्णूंच्या उपासनेसाठी आणि दानधर्मासाठी अत्यंत फलदायी मानला जातो. वैशाख महिन्यातील अक्षय तृतीया हा साडेतीन मुहूर्तांपैकी एक महत्त्वाचा दिवस आहे.

उन्हाळ्याची तीव्रता या महिन्यात जास्त असते. त्यामुळे वैशाख महिन्यात जलदान, छत्री दान, पंखा दान आणि गरजू अन्नदान करण्याचे मोठे धार्मिक महत्त्व मानले जाते. या दानधर्माने अक्षय पुण्याची प्राप्ती होते अशी हिंदू धर्मात मान्यता आहे.

वैशाख महिन्यातच परशुराम जयंती, नृसिंह जयंती, गंगा सप्तमी आणि बुद्ध पौर्णिमा हे प्रमुख उत्सव येतात.