Shravan Month 2026 | श्रावण महिना २०२६

श्रावण हा मराठी पंचांगातील पाचवा आणि अतिशय पवित्र महिना मानला जातो. संपूर्ण श्रावण महिना भगवान महादेवाच्या भक्तीत लीन असतो. या महिन्यात श्रावणी सोमवारांना विशेष महत्त्व असून भाविक उपवास ठेवतात आणि शिवामूठ वाहतात.

मंगळवारी नवविवाहिता मंगळागौरीचे व्रत करतात. नागपंचमीला नागाची पूजा केली जाते. नारळी पौर्णिमेला कोळी बांधव समुद्राची पूजा करून नारळ अर्पण करतात, आणि याच दिवशी रक्षाबंधन हा बहीण-भावाच्या प्रेमाचा सण साजरा होतो.

श्रावण महिन्याच्या शेवटी श्रीकृष्ण जन्माष्टमी (गोकुळाष्टमी) आणि दहीहंडीचा उत्साही उत्सव साजरा केला जातो. बैलपोळा (पिठोरी अमावास्या) देखील याच महिन्यात येतो.